| تشنگی دل کے ہماری اے خدا تو بجھا دے |
| گنبد خضری ؐ کی ہم کو تو زیارت کرا دے |
| خواب جو پالے ہیں تعبیر بھی مالک دلا دے |
| "زندگی میں ہمیں اک بار مدینہ دکھا دے" |
| چشم نم کرتے ہوئے حاضری روضہ کی مانگیں |
| عشق کے مارے ہوئے ساروں کو مولی دوا دے |
| موت بھی آئے اسی شہر مقدس میں ہمیں |
| خاک اقدس میں سما جائیں مقدر بنا دے |
| دین کے مٹنے کا غم ہم کو سدا تڑپائے |
| سینہ میں درد بھی امت کا بے پایاں بسا دے |
| با اثر کر دے تو ناصؔر کی دعائیں یارب |
| صدقہ لولاک ؐ کے ہم سب کی خطائیں مٹا دے |
معلومات