التجا ایک خطا ہے کہ خدا خیر کرے |
یہاں ہر شخص خدا ہے کہ خدا خیر کرے |
ہوسِ دولتِ دنیا میں مگن ہے دنیا |
اک سزا روزِ جزا ہے کہ خدا خیر کرے |
شوقِ تکمیلِ تمنا میں بہت تھک گیا ہوں |
صرف اتنی سی دعا ہے کہ خدا خیر کرے |
کوچۂِ ہجرِ فروکش ہی رہوں گا کب تک |
سایۂِ مثلِ بلا ہے کہ خدا خیر کرے |
بارہا بزمِ عدو میں انہیں دیکھا ہے میں نے |
کچھ عجب طرزِ وفا ہے کہ خدا خیر کرے |
کل وہ شاید کسی کا نام لیے تھے اور آج |
ہاتھوں میں رنگِ حنا ہے کہ خدا خیر کرے |
کونسا قافلہ ہے چل دیا ہوں جس کے ساتھ |
اور ہی بانگِ درا ہے کہ خدا خیر کرے |
اس شبِ تیرۂِ خاموش میں ہے کیسا شور |
سینے میں ایک غزا ہے کہ خدا خیر کرے |
عالمِ فانی میں یاں ایک غموں کا جھرمٹ |
غمِ جاناں کے سوا ہے کہ خدا خیر کرے |
بے سبب کچھ تو کھٹکتا ہے دلِ ناداں میں |
زندگی جیسے سزا ہے کہ خدا خیر کرے |
طعن و تشنیع عبث کرتا ہے دل والوں کو زیبؔ |
یہ زمانے کی ادا ہے کہ خدا خیر کرے |
معلومات