| کیوں بھلا مظلوم کا ہر دن الم دیکھا کریں |
| ظرف سے معمور ہیں پھر کیسے غم دیکھا کریں |
| ہو چلا چاہت میں کب سے لب کشائی جرم ہے |
| "کب تلک دل کے تڑپنے کا ستم دیکھا کریں" |
| اپنے دانا ہونے کی واضح علامت ہے یہی |
| ہو پشیماں اور کچھ آنکھوں کو نم دیکھا کریں |
| بندگی کا سجدہ میں اظہار کرتے رہنا ہے |
| رب کے گھر ذوق جبیں کو اپنی خم دیکھا کریں |
| ملک و ملت پر فدا ہو جان و دل ناصؔر سدا |
| ولولہ انگیزی سے دلکش علم دیکھا کریں |
معلومات