| میں اُسے |
| جیون کی آخری سرحد پر |
| چھوڑنے گیا تھا |
| جانتے ہو؟ |
| جیون کی آخری سرحد پار |
| جو بھی چلا جائے |
| واپس نہیں آتا |
| میں اُسے چھوڑ کر |
| خالی ہاتھ لوٹ آیا ہوں |
| کیا پتہ وہاں جا کر اُسے |
| میری یاد آتی بھی ہو کہ نہیں |
| بیتے جیون کے سُنہری پل |
| اُسے بُلاتے ہوں کہ نہیں |
| کیا خبر |
| وہ بھی میری طرح |
| نئے جیون کے کاموں میں |
| اُلجھ بیٹھا ہو |
| لیکن |
| کبھی کبھار تو |
| میری طرح وہ بھی |
| مُجھے یاد کرتا ہو گا |
| اُس نے کہا تھا |
| جاتے جاتے بُلا کرمُجھے |
| میرے کان میں، سرگوشی میں |
| ہم پھر ملیں گے |
| کسی اور ہی نئی دُنیا میں |
| کسی اور خوبصورت جیون میں |
| اک بار ضرور ملیں گے |
| مُختلف سے حالاتوں میں |
| مُختلف خد و خال کے ساتھ |
| جیون کے کسی نئے کردار میں |
| ہم پھر ملیں گے |
| میں سوچتا ہوں |
| سچ ہی تو کہتا تھا وہ |
| کسی کے مر جانے سے |
| اُس کی اہمیت کم نہیں ہوتی |
| محبت کم نہیں ہوتی |
| بلکہ!! |
| محبت و بس |
| جسم چھوڑ دیتی ہے |
| اور جا کر کسی اور جسم میں |
| بسیرا کر لیتی ہے |
| کوئی اور چہرہ |
| کوئی اور کردار |
| ہو بہو وہی کہانی دہراتا ہے |
| جو جیون کی آخری سرحد تک ساتھ چلتی ہے |
| "محبت کب مرتی ہے" |
| فیصل ملک |
معلومات