جو ہے غلط اسے میں کہوں بر ملا، نہیں
کیونکہ مرا ضمیر کبھی بھی بکا نہیں
== آپ شائد کہنا چاہ رہے ہیں کہ چونکہ آپ کا ضمیر کبھی بھی نہیں بک سکا لہٰذا آپ غلط کو غلط ہی کہیں گے - مگر لکھا آپ نے اُلٹا ہے - برملا کا مطلب ہوتا ہے صاف کھلا واضح یا منہ پر -
تو آپ نے لکھا جو غلط ہے اسے میں منہ پر غلط نہیں کہتا - (جو ہے غلط اسے میں کہوں بر ملا، نہیں)
یہاں کوما ڈال کے نہیں لکھنے کا مطلب ہوتا ہے جو کہا جارہا ہے وہ نہیں ہے -

جب تک نہ کن کہے گا وہ، ہوتی شفا نہیں
جو اس کا حکم ہو نہ تو لگتی دوا نہیں
== ہوتی شفا نہیں، بات کہنے کا ناپختہ انداز ہے

کتنا بدل دیا ہے اے عمرِ رواں مجھے
میرا ہی عکس آج پسِ آئینہ نہیں
== پس آئینہ تو عکس آپ کا ہوتا بھی نہیں - پس آئینہ کی اصطلاح کا یہ مطلب نہیں ہوتا جو آپ نے لیا ہے
انسان آج کا ہے عجب طور کا ہوا
سنتا سمجھتا سب ہے مگر دیکھتا نہیں
== یہ بھی الٹی بات ہے - آج کا انسان دیکھتا سب کچھ ہے بس سوچنا سمجھنا نہیں چاہتا-

تیرے ہی در سے ہے ہمیں اک ایک آرزو
ْتیرے سوا کسی کا ہمیں آسرا نہیں
== ایک اک آرزو کا یہ محل نہیں ہے - یہاں ہر ایک آرزو آئیگا

تبصرے اور نشاندہی کے لیے شکر گزار ہوں

جزاءک اللہ