| دشمنوں کو بھی گلے اپنے لگائے رکھنا |
| پرچمِ امن زمانے میں اٹھائے رکھنا |
| لاکھ دکھ درد زمانہ تجھے دے گا لیکن |
| دل میں الفت کے چراغوں کو جلائے رکھنا |
| مجھ کو امید ہے احسنؔ وہ ضرور آئے گا |
| اسی امید پہ آنچل کو بچھائے رکھنا |
| ہو جہاں زخم وہیں اپنے لگاتے ہیں نمک |
| اپنے آلام کو اپنوں سے چھپائے رکھنا |
| آج کے دور میں جینے کی اگر ضد ہے تمہیں |
| اپنے چہرے پہ تبسم کو سجائے رکھنا |
| اپنے ماں باپ کو ناراض نہ کرنا احسنؔ |
| بوجھ ماں باپ کا کاندھے پہ اٹھائے رکھنا |
معلومات