| پھر آٹھویں کے بعد تَبَسُّم فضا ہوئی |
| فرحت لبِ اِمام سے جب آشنا ہوئی |
| دو ماہ آٹھ دن دیا پرسا حُسین کا |
| دل میں ملال ہے کہ نہ قیمت ادا ہوئی |
| فکرِ حسین چھا گئی انساں کی روح میں |
| باطل کی پیروی یوں ہی حق سے جُدا ہوئی |
| دل میں غمِ حُسین ہے ہر پل بسا ہوا |
| لیکن خوشی میں آلِ نبی کی ثنا ہوئی |
| اور آٹھ دن کے بعد مَسَرَّت یوں چھا گئی |
| آمد نبی کے ساتھ ہی جعفر کی کیا ہوئی |
| توحید کی کرن سے بنے تھے جو مُصْطَفیٰ |
| تخلیقِ کائنات کی تب ابتدا ہوئی |
| بارَہ چراغ ایسے ملے مجھ غریب کو |
| اللہ کے یہ گھر سے شروع اِنْتِہا ہوئی |
| ہے خوب سلسلہ یہ طہارت کے نور کا |
| ظلمت میں راہ میری رُخِ کِبْرِیا ہوئی |
| دیتے ہیں ہم کو جامِ ولایت رسول جو |
| پی لیں اگر تو ہم کو مکمل شفا ہوئی |
| جب بھی ثنائے آلِ نبی میں قلم اُٹھا |
| باقر تجھے بھی غیب سے کتنی عطا ہوئی |
معلومات