| اے مصطفیٰ، شاۂ حرم، آقا کرم آقا کرم |
| سركار ہو نظرِ كرم، آقا كرم آقا كرم |
| بے انتہا الفت شہا، ہے آپ سے کرتا خدا |
| اس پیار ہی کی ہے قسم، آقا کرم آقا کرم |
| فرما رہا حق شان میں، رحمت لقب قرآن میں |
| اے دافعِ رنج و الم، آقا کرم آقا کرم |
| ابنِ خلیلُ اللہ کے، عمران و ہاشم کے لئے |
| ہوں دور سب امّت كے غم، آقا کرم آقا کرم |
| حسنین کا اور فاطمہ، کا اور علی کا واسطہ |
| ہر جا بجا رکھنا بھرم، آقا کرم آقا کرم |
| ٹھنڈا کریں سینہ میرا، کب سے یونہی ہے جل رہا |
| سینے پے بس رکھ دیں قدم، آقا کرم آقا کرم |
| اس کو خدا کیوں کر ملے، جو آپ سے نہ مل سکے |
| دیدار کے طالب ہیں ہم، آقا کرم آقا کرم |
| پوری میری ہو آرزو، دیدار ہو تو با وضو |
| شاہا عطا چشمانِ نم، آقا کرم آقا کرم |
| جب نعت خواں خود ہے خدا، تیری ذکیؔ اوقات کیا |
| کر التجا رکھ کر قلم، آقا کرم آقا کرم |
معلومات