| خدا کے فضل ہوں تم پر خدا کی رحمتیں تم پر |
| ہوں نازل جلسہ سالانہ کی ساری برکتیں تم پر |
| مسیحا کی دعاؤں کے بنو وارث کچھ ایسے تم |
| کہ نازل ہوں قبولیت کی ساری ساعتیں تم پر |
| محبت کے یہ میلے الفتوں کے سلسلے پیہم |
| عیاں دائم اخوت کی سبھی ہوں نسبتیں تم پر |
| تمہارے دین و دنیا کی بھلائی کا جو ساماں ہوں |
| خدا کی نعمتوں کی ہر قدم ہوں بارشیں تم پر |
| تمہیں جلسے نے موقع پھر دیا ہے عہدِ بیعت کا |
| خلافت کی اطاعت ہی سے آئیں نصرتیں تم پر |
| ہو ایمان و یقین و صبر کا سرمایہ روز افزوں |
| عنایت سے خدا کی ہو رہی ہیں رحمتیں تم پر |
| دعاؤں کا ہو سایہ ذکر کا ہو ساتھ ہر لمحہ |
| اتر آئیں سکینت کی کچھ ایسی راحتیں تم پر |
| جہاں بھر میں لوائے احمدیت لہلہائے اب |
| خلافت کی عنایت سے ہوں تاباں شوکتیں تم پر |
| خلافت سے جُڑے رہنے کا ہے انعام یہ پایا |
| کہ بڑھتی جا رہی ہیں لمحہ لمحہ شفقتیں تم پر |
| قبولیت کی گھڑیاں اور نصرت کے ہیں یہ لمحے |
| خدا رکھے قیامت تک یہ اتریں دولتیں تم پر |
| عطا کرتا ہے جلسہ یہ دعاؤں کے خزانے جو |
| ابد تک ساتھ ہوں طارق خدا کی نعمتیں تم پر |
معلومات