| دیدار کا طالب ہوں سرکار مجھے دینا |
| اے حُسنِ رُخِ جانا دیوانہ بنا دینا |
| جلوے تیرے آنکھوں سے میں بھی کبھی دیکھوں |
| پردے ہیں جو غفلت کے وہ سارے ہٹا دینا |
| مجھے اپنہ محبت میں دلدار لگا دینا |
| بَن جائے گی یہ دنیا عُقبٰی بھی سنور جائے |
| شیدا ہی چلیں جس پر اُس راہ چلا دینا |
| تیرے دل کے ہیں جو گُل پھول یہ زہرہ کے |
| مُجھے اُن کی غلامی میں جاں ہر آن لگا دینا |
| اس در کے جو منگتے ہیں داتا ہیں وہ شاہوں کے |
| سگِ کوچہ ہوں میں تیرا نہ مُجھ کو بھلا دینا |
| اس روضہ کی جالی کو میری آنکھیں ترستی ہیں |
| سخی اپنی ہی مسجد میں عاصی کو جگہ دینا |
| اے عشقِ نبی میرے دِل جاں میں سما جانا |
| دیوانہ ہوں اُن کا سارے جگ کو بتا دینا |
| بس اپنی عنایت سے مُجھے اپنی شفاعت سے |
| میدان میں محشر کے حازن سے چھڑا دینا |
| جب ڈھونڈنے آئیں وہ کملی میں چُھپا پائیں |
| کہیں اُن کا ہے دیوانہ اِسے کو نہ سزا دینا |
| مُجھے موت اگر آئے سرکار کی مِدحت میں |
| محمود تو شہدوں میں میرا نام لکھا دینا |
معلومات