| ایک دن اور ہے گزرا مری تنہائی کا |
| وقت ملتا ہی نہیں تجھ سے شناسائی کا |
| شعر کہہ لیتا ہوں جب یاد تری آتی ہے |
| کچھ مجھے شوق تو ہے قافیہ پیمائی کا |
| میں بیاں کر دوں کبھی ان کے خیالات اگر |
| مجھ پہ الزام وہ دیں حاشیہ آرائی کا |
| پھول مُرجھا گئے پتّے ہیں پڑے رستوں پہ اب |
| کس کو فرصت ہے کہ سوچے چمن آرائی کا |
| بعد مرنے کے تو دشمن بھی کہیں خیر کی بات |
| مسئلہ ہوتا ہے بر وقت پذیرائی کا |
| خود کو ظالم تُو سمجھتا نہیں پر سوچ ذرا |
| اب تو جگ بھر میں ہے چرچا تری رسوائی کا |
| زخم کھا کر چلے آئےوہ مداوا کرنے |
| جانتے ہیں کسے دعوٰی ہے مسیحائی کا |
| جانے کس بات پہ ہے ان کو توقّع اتنی |
| چند گھڑیوں کا ہے یہ کھیل تماشائی کا |
| طارق اب ذوقِ سماعت بھی کہا ں لوگوں میں |
| شور لگنے لگا اب ساز بھی شہنائی کا |
معلومات