| پہلو میں بیٹھنے دے ، مری احتیاج دیکھ |
| حائل نہ راستے میں ہو ظالم سماج دیکھ |
| قدرت کے کارخانے میں بکھرے حسین رنگ |
| رنگوں سے تُو دھنک میں بھرا امتزاج دیکھ |
| خوشیاں جو لے کے پھرتے ہیں چہرے پہ ہر گھڑی |
| ان کے دلوں کے غم کا بھی کوئی علاج دیکھ |
| گھر کی صفائی کرتے ہیں ، مہمان آئیں تو |
| دل کی صفائی کا بھی پڑے کچھ رواج دیکھ |
| منزل کی ہے تلاش تو چل قافلے کے ساتھ |
| ہاں ساتھ کوئی چلتا رہے کام کاج دیکھ |
| ساحل پہ بیٹھ کر تجھے لہروں سے تھا گِلہ |
| کشتی میں بیٹھ کر اٹھا ، طوفان آج دیکھ |
| طارق وہ بادشاہ ہوا ہے ، سر پہ ہے کلاہ |
| قدموں میں اس کے جھک رہے ہیں تخت و تاج دیکھ |
معلومات