| دل مندر دربار تے نئیں سی |
| پھل نوں ڈنگدا خار تے نئیں سی |
| اپنی مرضی وکھ ہویا اے |
| ورنہ اس تے بار تے نئیں سی |
| اکھ نوں اتھرو دیون والے |
| تیرا اے کردار تے نئیں سی |
| توں کیوں پتھر مارن آیا ایں |
| توں تے میرا یار تے نئیں سی |
| جے او چاہندا مل سی سکدا |
| میرے ہتھ تلوار تے نئیں سی |
| چوچک لے کے ہیر نوں مڑدا |
| رانجھا کوئی سردار تے نئیں سے |
| میں تیری خاطر من لینا واں |
| ورنہ اے کوئی ہار تے نئیں سی |
| ہر کوئی ساغر لٔٹ جاندا اے |
| دل میرا بازار تے نئیں سی |
معلومات