| تمہارے در پہ ہیں حاضر گدا غریب نواز |
| تمہاری شان کے قرباں شہا غریب نواز |
| تمہیں تو سنتے ہو سب کی سدا غریب نواز |
| تمہیں نہ دیں تو کسے دیں صدا غریب نواز |
| تمہاری ہی ہے حکومت تمام بھارت پر |
| تمہیں نبی نے یہ کی ہے عطا غریب نواز |
| مری بھی بگڑی بنا دو، بنی ہے لاکھوں کی |
| بس ایک کر دو اشارہ ذرا غریب نواز |
| تمہارے در سے گزارا ہے بے سہاروں کا |
| ہمارے ساتھ بھی کردو دیا غریب نواز |
| ہوا خلاف چلی ہے، عدو کو زیر کرو |
| مدد کا وقت ہے، آؤ ذرا غریب نواز |
| وسیلہ پیر کا لایا ہوں آپ کے در پر |
| قبول ہوگی یہاں پر دعا غریب نواز |
| تمہیں سے مانگا ہے، مانگیں گے، مانگے جائینگے |
| ہو میرے پیر کا صدقہ عطا غریب نواز |
معلومات