| اک شخص کر گیا ہے سپنے مرے اُداس |
| کُوچے مرے اُداس ہیں رستے مرے اُداس |
| ماتم منا رہا ہوں کسی کی جدائی کا |
| آہیں مری اُداس ہیں نوحے مرے اُداس |
| کس نے زہر یہ گھولا ہے میری مِٹھاس میں |
| لہجہ مرا اُداس ہے قِصّے مرے اُداس |
| مُجھ پر غمِ فِراق کا سایہ ہے آج کل |
| آنکھیں مری اُداس ہیں لمحے مرے اُداس |
| حالانکہ میری شوخ سی ہوتی تھی شاعری |
| اِک شخص کر گیا یہاں نغمے مرے اُداس |
| سوچیں مری اُداس ہیں چہرہ مرا اُداس |
| دیوار و در اُداس ہیں رستے مرے اُداس |
| جب سے گیا ہے چھوڑ کے مانؔی وہ دِلرُبا |
| چاہت مری اُداس ہے جذبے مرے اداس |
معلومات