| صدقہ آقؐا کے ہم کو سہارا ہوا |
| غرقیابی میں ناؤ کو کنارہ ہوا |
| کفر والحاد کی تیرگی مٹ گئی |
| "آمد مصطفیؐ سے اجالا ہوا" |
| سلسلہ جب وحی کا چلا آپؐ پر |
| مالک دو جہاں ﷻکا اشارہ ہوا |
| ثانی کوئی نہیں عظمت و جاہ میں |
| مرتبہ انبیؑا میں نرالا ہوا |
| فخر کون و مکاںؐ ہیں حبیبؐ خدا |
| جگ میں نام محمدؐ دلارا ہوا |
| نعمت ایزدی، بعثت مجتبیؐ |
| ابر رحمت بنا کے نکالا ہوا |
| ورد صلؐ علی لب پہ ناصؔر ہو گر |
| جود و بخشش کا ادنی گزارا ہوا |
معلومات