| شرحِ انجیل تھی کہ آنکھ وہ تورات تھی |
| سوچتے ہیں تیرا چہرہ صبح تھی یا رات تھی |
| بیان ہی تو کر رہا تھا قیس صحرا کا جنوں |
| تم خفا کیوں ہو گئے اس قدر کیا بات تھی |
| جا رہا ہے تیری محفل سے یہ دل کہتا ہوا |
| ستائشِ غیرت رقیبِ اُلفتِ بد ذات تھی |
| سب دیکھنے والے تماشا دیکھتے ہی رہ گئے |
| میرا جنازہ جا رہا تھا، اُس کی وہ برات تھی |
| تیری آنکھوں کی ذرا سی جنبشِ مے خیز بھی |
| ہم قدح خواروں کو جیسے حیلۂ نجات تھی |
| نقابِ شب میں جب کبھی آ گیا وہ روبرو |
| آسماں پر سُرخ شعلے حُسن کی سوغات تھی |
| مر گئے عشاق سب ہی بے دم و بے آسرا |
| جس گھڑی تیری سواری مظہرِ خیرات تھی |
| ہمتِ مفلس حریفِ بے رخی ہوتی مگر |
| دستِ قسمت کیا بتاؤ کیسی کم اوقات تھی |
| تیرے چہرے کی چمک گویا تجلی طور کی |
| ظلمتِ عالم میں ہر دم نور کی برسات تھی |
| تیری چوکھٹ پر قرارؔ پہنچے تھے ہم لیکن وہاں |
| نہ چراغِ بزم روشن تھا، نہ مے کی بات تھی |
معلومات