| آمنے سامنے لشکر جو مقابل آئے |
| تب مخالف سبھی حق والوں کے باطل آئے |
| جنگی سامان کا ساروں پہ نشہ حاوی تھا |
| وہ تکبر لئے میدان میں غافل آئے |
| ہار شیطان پرستوں کے مقدر میں تھی |
| شان مومن جو عیاں ان کے تدبر میں تھی |
| سربکف ہوگئے اصحاب ؓ بھروسے رب کے |
| غیبی تائید کی خوشخبری تصور میں تھی |
| شیبہ عتبہ جوں ہی مارے گئے بے دردی سے |
| آتش جنگ وہی بھڑکا گئے بجلی سے |
| قتل بد بخت ابو جہل کا تھا عبرتناک |
| مار ڈالا اسے دو لڑکوں نے بے جگری سے |
| فوج آہن کو کیا زیر دلیری کے ساتھ |
| سرخرو تھے وہ یقیں اور بزرگی کے ساتھ |
| پرچم دین سر بام لہرا ناصؔر |
| لوٹے طاغوتی وہاں سے بڑی خواری کے ساتھ |
معلومات