| ہر کوئی اپنی خودی کے نشّے میں مدہوش تھا |
| ایسے میں مردِ خدا اک کب رہا خاموش تھا |
| سچ کو سہنے کی نہیں عادت، یہ ہے رسمِ قدیم |
| بول کر سولی پہ چڑھتا، کس کو اتنا ہوش تھا |
| جس کو ساقی نے پلایا ، پی گیا الفت کا جام |
| اُس کی محفل میں بلا کا ہر کوئی مے نوش تھا |
| صاف دل رکھتا تھا جو، سُن کر اسے، اُس کا ہوا |
| اس قدر تاثیر سے پُر نالۂ پُر جوش تھا |
| اُس نے دے کر علم و عرفاں کی نظر، ظاہر کیا |
| وہ خزانہ اب تلک دنیا سے جو رُو پوش تھا |
| حیف ہے کرتے نہیں اب تک جو اُس کا اعتبار |
| اُس نے جو سمجھا دیا کیا یہ بھی اُس کا دوش تھا |
| جب کھڑا ہو کر پکارا اُس نے آؤ اس طرف |
| فائدہ اُس کو ہوا جو بھی ہمہ تن گوش تھا |
| ہم بھی عاشق ہو گئے طارق بزرگوں کے طفیل |
| ورنہ حق کی جستجو میں کون لذّت کوش تھا |
معلومات