| سرور کہوں کہ مالک و مَولیٰ کہوں تجھے |
| باغِ خلیل کا گلِ زَیبا کہوں تجھے |
| حرماں نصیب ہوں تجھے امید گہ کہوں |
| جانِ مراد و کانِ تَمَنّا کہوں تجھے |
| اِس مُردہ دل کو مژدہ حیاتِ ابد کا دُوں |
| تاب و توانِ جانِ مسیحا کہوں تجھے |
| گلزارِ قدس کا گلِ رنگیں اَدا کہوں |
| دَرمانِ دَرْدِ بُلبُلِ شیدا کہوں تجھے |
| مجرم ہُوں اپنے عفو کا ساماں کروں شہا |
| یعنی شفیع روزِ جزا کا کہوں تجھے |
| تیرے تو وَصف عیب تناہی سے ہیں بَری |
| حیراں ہُوں میرے شاہ میں کیا کیا کہوں تجھے |
| لیکن رضاؔ نے ختم سخن اس پہ کر دیا |
| خالِق کا بندہ خلق کا آقا کہوں تجھے |
معلومات