| زندہ رہنے کا انتظام کرو |
| خواب سب چھوڑو کوئی کام کرو |
| وقتِ بیداری آ گیا اٹّھو |
| خوابِ غفلت کو اب تمام کرو |
| کام ان کی دعائیں آئیں گی |
| اپنے بوڑھوں کا احترام کرو |
| محتسب کو حساب دینا ہے |
| جتنا اونچا بھی تم مقام کرو |
| جس نے عورت کو جسم ہی سمجھا |
| ایسے لوگوں کا قتلِ عام کرو |
| یار مطلب پرست ہے دنیا |
| تم مرے دل میں ہی قیام کرو |
| روز و شب میں نے تیرے نام کیا |
| تم مرے نام ایک شام کرو |
| میں زباں سے نہ کچھ کہوں گا اب |
| میری آنکھوں سے تم کلام کرو |
| جو ہو خالدؔ غرور میں ڈوبا |
| ایسے ظالم کو مت سلام کرو |
معلومات