| سجائے دو جہاں رب نے جنابِ مصطفیٰ آئے |
| بہارِ جاں فزا آئے خدا کے دلربا آئے |
| مبارک ہو گنہگارو منا لو خوشیاں بیمارو |
| غمِ دل کی دوا بن کر کریمِ دو سریٰ آئے |
| بہارو پھول برساؤ سلامی ابرِ رحمت دیں |
| نبی پیارے عطا بن کر دہر کا آسری آئے |
| ہے الفت کی گھٹا چھائی جہاں گلزار لگتا ہے |
| رسولِ مجتبیٰ آئے نگارِ انبیا آئے |
| عیاں ہے چاند تاروں سے فضائے آسماں پر یوں |
| جمالِ دو سریٰ جانم جمیلِ کبریا آئے |
| یہ مومن کو بشارت ہے بچھا دے اپنے دامن کو |
| شہنشاہِ سخا آئے کرم کی انتہا آئے |
| نبی کونین کے سرور خدا کے پیارے پیغمبر |
| ثنا محمود کر اُن کی سخی صلے علیٰ آئے |
معلومات