| ہمارے ہاتھ میں قسمت تھمی ہر گز نہیں آتی |
| کوئی دیکھا نہیں جس کو غمی ہر گز نہیں آتی |
| عطا کر دی ہے انساں کی محبّت جس کو مولٰی نے |
| یہ دولت جس قدر بانٹے کمی ہر گز نہیں آتی |
| لہو معصوم بچوں کا بھی بہتے دیکھ کر ظالم |
| تری آنکھوں میں کیا سچ مُچ نمی ہر گز نہیں آتی |
| تعصّب کو اگر انصاف کے پانی سے دھویا ہو |
| نظر تہہ دل پہ نفرت کی جمی ہر گز نہیں آتی |
| اگر سیکھا نہیں شیطان کی باتوں کو ردّ کرنا |
| تو طارق عمر بھر کرنا رمی ہر گز نہیں آتی |
معلومات