.jpg)
| تیری تَلاش میں ہم یَکسَر بَدَل گئے |
| پَاپوش بَن کے پَائے رَہبر سے مِل گئے |
| اُس کے کَرم سے رَہبر کامِل مِلا ہمیں |
| کتنے ہیں جو قَریبِ مَنزِل پِھسَل گئے |
| حِرص و ہَوس کے ہاتھی بے قابو جَب ہوئے |
| مَعصوم رُوح میری فوراً کُچَل گئے |
| اِک رِند پا گیا قُربِ یَزداں دَفْعَتاً |
| اے پَارسا کہاں تک تیرےعَمَل گئے |
| جَب لے گیا قلندر مُجھ کو بھی لَا مَکاں |
| پَرواز دیکھ میری قُدسی اُچَھل گئے |
| نورِ قَدِیم دیکھا حَادِث میں جَلوہ گر |
| سَجدے مِری جَبیں میں لاکھوں مَچَل گئے |
| تیرے غُلام کا جب چَھلنی ہوا جِگر |
| سوزِ فِراق میں ہم کہتے غَزَل گئے |
معلومات