| کبھی جو کہتے تھے لوگ مجھ سے |
| سنبھال رکھنا محبتوں کو |
| اتار رکھنا انا کی چادر |
| کہ رابطوں میں پہل ہی کرنا |
| خیال رکھنا کہ ٹوٹ پائے |
| نہ رابطوں کی لڑی یہ دلکش |
| کہ گفتگو میں خیال رکھنا |
| کہ لفظ کوئی نہ ہو کبھی بھی |
| نہ سخت لہجہ بیان رکھنا |
| ادھر ادھر کی نہ بات کرنا |
| یوں گفتگو میں خیال رکھنا |
| جو بات نکلے لبوں سے تیرے |
| وہ بات اسکی طلب میں ہو جو |
| وہ اس کے دل کو |
| بیاں کرے جو |
| خیال اس کے |
| جواں کرے جو |
| دھری رہیں یہ نصیحتیں سب |
| بھلا دیا ہے جو اس نے مجھ کو |
| سلا دیا ہے نصیب میرا |
| کمال کی یہ ادا ہے جاناں |
| جو بالاتر ہے مری فہم سے |
| وہ سب نصیحت وہ ساری باتیں |
| کہ جن کا ہم نے تھا پال رکھنا |
| کہ جن کا ہم نے خیال رکھا |
| وہ احتیاطوں کا کیا ہے کرنا |
| کہ رائگاں ہے سبھی مشقت |
| نہ سختیوں کا ثمر ملا کچھ |
| اجڑ گیا ہے بکھر گیا ہے |
| مری امیدوں کا باغ سارا |
| کہ اب میں سوچوں یہ کیا ہوا ہے |
| وہ کس کے آنگن کا پھول ہے اب |
| کہ میرا آنگن اجاڑ کر کے |
| ہمایوں |
معلومات