| حکمِ خدا کو چھوڑا تو شیطان بھی گیا |
| اس کا اسی غرور میں ایمان بھی گیا |
| افضل ترین خلق ہیں حضرت بشر مگر |
| دولت جہاں کی دیکھی تو انسان بھی گیا |
| ٹوٹے دلوں کا شہر میں کرتا تھا جو علاج |
| سیلابِ ہجر میں وہی لقمان بھی گیا |
| سرزد ہوئی تھی مجھ سے فقط ایک ہی خطا |
| میرا وہ ساری عمر کا احسان بھی گیا |
| یاروں نے اتنی دور بسائی ہیں بستیاں |
| ہر روز رابطے ہو وہ امکان بھی گیا |
| ہاتھوں میں جب سے تیری دغا کا قلم لگا |
| تیری کتابِ عشق کا عنوان بھی گیا |
| حسانؔ جس پہ تجھ کو بہت اعتبار تھا |
| تیرا وہ لے کے جوہر و مرجان بھی گیا |
معلومات