| اور پوچھو گے امتحان میں کیا |
| زندگی دی ہے مجھ کو دان میں کیا |
| گفتگو کی ہے مجھ سے تھوڑی دیر |
| کچھ کمی آ گئی ہے شان میں کیا |
| ہوں خوشی میں شریک بانٹ لیں غم |
| اور ہوتا ہے خاندان میں کیا |
| تُو جو رکھتا نگاہ اوپر ہے |
| تُو نے دیکھا ہے آسمان میں کیا |
| میں نے جو کچھ کہا وہی سچ ہے |
| چاہتا ہے مرے بیان میں کیا |
| تُو بھی شک کی نظر سے دیکھے گا |
| اور ہوتا مرے گُمان میں کیا |
| بولتے کیوں نہیں مرے حق میں |
| آبلے پڑ گئے زبان پہ کیا |
| پھر یہ کیسا گلہ تجھے طارق |
| تُو نہیں ہے کسی امان میں کیا |
معلومات