| یہ عشقِ نبی جس کسی کو ملا ہے |
| وہ جانے کہ گنجِ گراں مل گیا ہے |
| ملی کامرانی اسے دو جہاں میں |
| خدا کی عطا سے وہ بخشا ہوا ہے |
| مراتب ہیں اعلیٰ ملے اس کو رب سے |
| ملی اس کو زینت ملا کبریا ہے |
| فلک ہے جو دوراں یہ عشقِ نبی ہے |
| جو حسنِ نبی ہے خلق میں جدا ہے |
| جو داتا جہاں کا سخی مصطفیٰ ہے |
| حبیبِ خدا وہ دہر کی ضیا ہے |
| نبی جانِ ہستی ہیں نعمت کے قاسم |
| جہاں ان کے در کا سدا ہی گدا ہے |
| انہی کے لیے ہے یہ تخلیقِ ہستی |
| یہ لولاک جس کے لئے اک صدا ہے |
| ہے مشغول حمدِ خدا میں یہ ہستی |
| جہاں حمد باری نبی کی ثنا ہے |
| ہے محمود رحمت انہی کی دہر پر |
| جو صلے علیٰ ہے حبیبِ خدا ہے |
معلومات