| یہاں سب لوٹنے والے سخاوت کون کرتا ہے |
| ہیں سب مصروف دولت میں عبادت کون کرتا ہے |
| سبھی ظالم برابر ہیں مقابل میں نہیں کوئی |
| پجاری ہیں یہاں سب ہی بغاوت کون کرتا ہے |
| خدا کو بھول بیٹھے ہیں خدا کو ماننے والے |
| ہیں نافرمان خالق کے اطاعت کون کرتا ہے |
| امیروں کی یہ دنیا ہے غریبوں کا نہیں کوئی |
| غریبوں اور بےکس سے محبت کون کرتا ہے |
| ابھی بھی وقت ہے عابد چلو رب کو کرو سجدہ |
| سوا رب کے گنہ گاروں پہ رحمت کون کرتا ہے |
معلومات