| اک رنج ہے مسلسل دردوں کا سلسلہ ہے |
| پھر بھی میں جی رہا ہوں یہ میرا حوصلہ ہے |
| دنیا بھی جیت لی تو کیا تیر مارا اے دل |
| سر اس کو کر نہ پایا مجھ کو تو یہ گلہ ہے |
| کچھ مت کہو اے یارو اس بے کسی کے بت کو |
| خانہ خراب ہے جو یہ عشق کا صلہ ہے |
| کوئی جگہ نہیں ہے راہی کدھر کو جائے |
| ہر رہ گزر پہ یارب یادوں کا قافلہ ہے |
| گھس گھس کے اس کے غم میں حالت ہوئی یہ اپنی |
| اک پاؤں کے علاوہ ہر عضو آبلہ ہے |
| دل ماند پڑ گیا ہے کچھ اس طرح سے شاہیؔ |
| جوش و جنوں کا پیکر محرومِ حوصلہ ہے |
معلومات