| حکمتوں کا خزینہ ہے قرآن میں |
| زندگی کا قرینہ ہے قرآن میں |
| ڈوبنے سے بچاتا ہے طوفان میں |
| نوحؑ کا بھی سفینہ ہے قرآن میں |
| حرمتیں بھی سکھاتا ہے انسان کو |
| ذکرِ مکہ مدینہ ہے قرآن میں |
| متقی بھی بناتا ہے رمضان میں |
| صوم کا بھی مہینہ ہے قرآن میں |
| ذکرِ رب سے ہے ملتا دلوں کو سکوں |
| قلب کا بھی سکینہ ہے قرآن میں |
| چھوڑ دو کام سب جب سنوں تم اذاں |
| ذکرِ بانگِ ادینہ ہے قرآن میں |
| سر جھکانے میں مومن کی معراج ہے |
| سرفرازی کا زینہ ہے قرآن میں |
| نورِ شمس الضحٰی سے ہے روشن جہاں |
| سب سے روشن نگینہ ہے قرآن میں |
| نور کی کرنیں ہیں اللہ کی آیتیں |
| نور سے کُھلْتا سینہ ہے قرآن میں |
معلومات