| عطا میرے نبی کی ہے مدینے جو بلاتی ہے |
| نمی آنکھوں کو در ان کا محبت سے دکھاتی ہے |
| مدینہ ہی مدینہ ہے دہر میں جو حسیں تر ہے |
| مدینے کا ادب یارو کتاب اللہ سکھاتی ہے |
| مدینے سے خبر ہمدم فلاحِ انساں جاری ہے |
| سلیقے جس میں الفت کے محبت جس سے آتی ہے |
| یہ نگری تھی جو یثرب کی بنی کیسے مدینہ یہ |
| سواری اس میں دلبر کی اسے درجے دلاتی ہے |
| فرشتے اس میں آتے ہیں حسیں روضے پہ دلبر کے |
| محبت ہے یہ سرور کی انہیں جو کھینچ لاتی ہے |
| حسیں ہیں خلد سے بھی یہ مدینے کے جو منظر ہیں |
| مجھے نگری یہ دلبر کی خدایا یاد آتی ہے |
| ادب کی جا مدینہ ہے سنو محمود یہ دل سے |
| تجھے جو خیر حاصل ہے مدینے سے وہ آتی ہے |
معلومات