| الزام آپ ہم نے ہی ، پھر اپنے سر لیا |
| انصاف کا مطالبہ ہم نے نہیں کیا |
| اس کو گماں نہ ہو کہیں بھولے ہیں ہم اسے |
| دامن ہوا تھا چاک جو اب تک نہیں سیا |
| کچھ عدل کی امید رکھی ہی نہ تھی کبھی |
| سُقراط نے بھی زہر کہاں شوق سے پیا |
| تاریک شب میں آسرا بھٹکے ہوؤں کا ہو |
| ہم نے تو جھونپڑی میں جلا کر رکھا دیا |
| فرقت میں اپنے آپ ہی کو کوستے رہے |
| کہتے یہ کیسے بِن ترے لگتا نہیں جیا |
| چھوڑا نہیں ہے ، دُور تو دو چار دن ہوا |
| اس نے ، مجھے یقین ہے ، دھوکہ نہیں دیا |
| طارقؔ فراق ، وصل سے پہلے ضرور ہے |
| جب تک نہ امتحان ہو ، راضی نہ ہو پیا |
معلومات