| ہر دان ہے ذیشان سے کشکولِ دہر میں |
| ہے فیض اسی دان کا دامان سحر میں |
| جو نور حسیں ذات سے ہستی کا ہے مطلع |
| ہے رنگ اسی نور سے کونین نگر میں |
| تابانی ہے جس نور سے کونین میں پھیلی |
| یزداں کا وہ نور ہے پوشاکِ بشر میں |
| اور لطف اسی ذات سے ہر خُلق کو آیا |
| یہ دیکھے نظر والا طائف کے سفر میں |
| ممنون اسی داتا کے دارین بنے ہیں |
| احوال بھی ہر آن کے ہیں جن کی نظر میں |
| دنیا تیری راہ کی منزل ہی کہاں ہے |
| لے آئی تو انساں کو بھی گہرے بھنور میں |
| محمود اثاثہ تیرا یادِ نبی ہے |
| یہ فیض ملا تجھ کو ہادی کے حصر میں |
معلومات