| کانچ پلکوں سے اٹھانے پڑتے |
| حال گر دل کے سنانے پڑتے |
| ٹوٹے رشتوں کا بتانا پڑتا |
| داغ سینے کے دکھانے پڑتے |
| راستے کٹتے اندھیروں میں جو |
| خط لکھے تیرے جلانے پڑتے |
| عشق کے ہوتے سفر کچھ تنہا |
| چاند بھی شب کو بلانے پڑتے |
| زندگی ہوتی بہت ہی مشکل |
| ہجر کے جشن منانے پڑتے |
| گردش دوراں سے ڈر جاتے ہم |
| آنکھ کو اشک بہانے پڑتے |
| کون دھڑکن میں ٹھہرتا دل کی |
| غم کلیجے سے لگانے پڑتے |
| مے کشی ہم نہ سمجھتے شاہد |
| ٹوٹے گر من نہ سجانے پڑتے |
معلومات