| یادیں ہیں دفن نیچے ملبہ نکالئے |
| ذہنوں میں جو بھرا ہے کچرا نکالئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کرتے ہیں یاد مل کے ماضی کو اپنے ہم |
| بچپن کی یادوں کا پھر بستہ نکالئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| خدشہ ہے گر نہ جائے اک دن یہ اپنا گھر |
| دیوار میں سے اینٹیں خستہ نکالئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کب تک ہمیں ہے پھرنا کیجے نہ دیر اب |
| یادیں بھٹک رہی ہیں نقشہ نکالئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کہتی ہے آج مجھ سے چلتی ہوئی ہوا |
| پنچھی رہا ہے کرنا پنجرہ نکالئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دنیا یہ کیوں ہے ایسی ماضی میں جھانک کر |
| نسلوں کو دیکھنا ہے شجرہ نکالئے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہاتھوں پہ ہاتھ رکھ کے بیٹھو نہ اس طرح |
| مشکل میں کوئی مانی رستہ نکالئے |
معلومات