| حبیبِ خدا وہ جو دلدار ہیں |
| جہانوں کے سلطان سرکار ہیں |
| سوالی ہیں اُن کے بنے تاجدار |
| گداؤں میں اُن کے یہ سنسار ہیں |
| نہیں ہیں وہ رکھتے مثیل و مثال |
| مہر کی مثل جن کے کردار ہیں |
| ملا جو حرا میں سوئے قوم لائے |
| حرم دونوں آقا کے دربار ہیں |
| نعیمِ خدا کے ہیں قاسم وہی |
| مدینے سجے جن کے گھر بار ہیں |
| ملے فیض اس جا سوالی کو عام |
| یہاں دان والے گہر بار ہیں |
| نبی جی حبیبی کرم کی نگاہ |
| سفارش کریں ہم خطا کار ہیں |
| ہے محمود عاصی انہی کا گدا |
| خدا کی خلق میں جو مختار ہیں |
معلومات