| ترے قیامِ شفق سے تھا اک مکاں آباد |
| تھا تیرے لطفِ کرم سے مرا جہاں آباد |
| اے شخص! وجہِ نشاط و طرب تھا تیرا وجود |
| یہ سب بجا ہے مگر ماجراۓ بود نبود؟ |
| جو تیرے دم سے تھا قائم وہ آشیاں نہ رہا |
| کہ رہ گئے ہیں شجر ، رنگِ بوستاں نہ رہا |
| بس اک خلا ہے یہاں اور خلا میں تیرا عکس |
| کہ مدتوں سے نہیں تیری یاد ٹس سے مس |
| ہر ایک بات میں تو ہے، مرے بیاں میں تو |
| دل و دماغ میں تُو سوچ میں گماں میں تو |
| تو باوقار، جواں اور تھا ذہین و فطیں |
| تو خوبرو تو حسیں اور تھا صورتِ سیمیں |
| وہ تیرے جانے کا دکھ ، رنج ، سوگوار فضا |
| وہ وقتِ نزع قیامت تھی پر تھی رب کی رضا |
معلومات