| لوٹ جاؤں گا مرا جس دن ارادہ بن گیا |
| وہ مرا اپنا یہاں کچھ حد سے زیادہ بن گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دونوں ہاتھوں سے یتیموں کی مدد کرتا ہوں میں |
| نعمتیں اتنی ملی ہیں دل کشادہ بن گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اب تو وہ چالاکیاں دکھلائے گا اپنی مجھے |
| سامنے اُس کے یہ میرا دل جو سادہ بن گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| زندگی میری مکمل ہو گئی لکھتے ہوئے |
| وہ پری پیکر ابھی تک صرف آدھا بن گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آخرش وہ دن بھی دیکھا دیکھنے والوں نے یار |
| شاہ کی بھی ہڈیوں کا اک برادہ بن گیا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہجر کی زنجیر پیروں میں پڑی تو پھر یہاں |
| عمر بھر کی قید مانؔی ایک وعدہ بن گئی |
معلومات