| یوں فیض عام بخشا، خیر الانام نے |
| دیکھا فروزاں دن کو، ہستی تمام نے |
| واحد ہے ذاتِ باری، جو بے نیاز ہے |
| واضع کیا یہ نقطہ، اُن کے پیام نے |
| سرمایہ زندگی میں، یادِ نبی بنی |
| اس کو مگر سجایا، اُن پر سلام نے |
| مومن یہ زندگی ہے، سرکار کے لئے |
| کربل میں جو سکھایا، ہم کو امام نے |
| شایانِ آستانہ، آہ و فغاں نہیں |
| آنسو مگر ہے پالا، اس احترام نے |
| رکھتے ہیں ہر خبر کو، اُن کے اسیر سن |
| فرماں دیا اے ساریہ، کِن کے غلام نے |
| صدیق کا جو ثابت معراج سے ہے نام |
| کیسا دیا یقیں ہے، الفت کے جام نے |
| ہستی میں آگہی اور قُل کا ہے راز جو |
| مصددق سے سنا یہ، ہر خاص و عام نے |
| ہے قافلہ دہر کا نورِ حبیب سے |
| یہ فیصلے کئے ہیں مختارِ تام نے |
| قیمت جہانِ ہستی، قادر کو کاہِ راہ |
| لیکن اسے قدر دی، آقا کے نام نے |
| محمود کیا یہ کم ہیں، الطاف مصطفیٰ |
| جملہ خلق نوازی، ماہِ تمام نے |
معلومات