| ایک ان دیکھا خواب ہوں میں |
| آگ کا اک گلاب ہوں میں |
| کوئی ہے بے حجاب مجھ میں |
| یوں کسی کا حجاب ہوں میں |
| جس کا کردار بھی نہیں ہوں |
| ایک ایسی کتاب ہوں میں |
| تجھ پہ بھی تھا میں اک مصیبت |
| خود پہ بھی اک عذاب ہوں میں |
| دیکھوں حیرت سے آئینہ کیوں |
| اپنا ہی انتخاب ہوں میں |
| جو نظر دیکھی بھی نہیں ہے |
| اسی کا آفتاب ہوں میں |
| مجھ سے مت رکھنا کوئی امید |
| ایک خانہ خراب ہوں میں |
| تجھ کو کیا غم ہے او مری جان |
| تجھ کو تو دستیاب ہوں میں |
معلومات