| غزل |
| آج ملنا، بہت ضروری تھا |
| بات کرنا، بہت ضروری تھا |
| میں دل و جان سے تمھیں چاہوں |
| بس یہ کہنا، بہت ضروری تھا |
| جان بے رنگ، سرد منظر میں |
| رنگ بھرنا، بہت ضروری تھا |
| درد کے بے کنار لمحوں میں |
| ضبط کرنا، بہت ضروری تھا |
| منزلیں بھی اہم، مگر ساتھی |
| ساتھ چلنا، بہت ضروری تھا |
| بزم میں کیفِ وَجد آنے تک |
| رقص کرنا، بہت ضروری تھا |
| زیست کے راز کھوجنے کے لئے |
| عشق کرنا، بہت ضروری تھا |
| رَوز ناخن تراش لیتا ہوں |
| زَخم بھرنا، بہت ضروری تھا |
| مست اندھے سماج میں یارب |
| ایک بینا، بہت ضروری تھا |
| موت برحق مگر حقیقت میں |
| خُوب جینا، بہت ضروری تھا |
| سچ تمھیں مطمئن نہیں کرتا |
| جھوٹ گھڑنا، بہت ضروری تھا |
| شعر سچے شہاب کہنا تھے |
| درد سہنا، بہت ضروری تھا |
| شہاب احمد |
| ۳۰ اکتوبر ۲۰۲۴ |
معلومات