| حق و باطل جو ٹکراتا ہوا محسوس ہوتا ہے |
| تباہی اک بڑی لاتا ہوا محسوس ہوتا ہے |
| کیا مصلوب ، جھوٹا کہہ کے ، دنیا نے ، مسیحا کو |
| فلک پر بھی وہی جاتا ہوا محسوس ہوتا ہے |
| عصا ڈالا تھا موسٰی نے کہ سانپوں کو نگل جائے |
| مگر مجمع ہی گھبراتا ہوا محسوس ہوتا ہے |
| مقابل پر بلایا اس نے دعوت دے کے دشمن کو |
| کوئی کم سامنے آتا ہوا محسوس ہوتا ہے |
| صداقت کے دلائل پیش کر بیٹھے ہیں ایواں میں |
| حقائق کو وہ جھٹلاتا ہوا محسوس ہوتا ہے |
| خزائن جو کئے ہیں پیش اب آ کر مسیحا نے |
| زمانہ ان کو ٹھکراتا ہوا محسوس ہوتا ہے |
| کتاب اس کی ہو بات اس کی یا کوئی ہو خطاب اس کا |
| کئی آنکھوں کو چھلکاتا ہوا محسوس ہوتا ہے |
| ہوئی ہو آبیاری جس کی خود مولٰی کے ہاتھوں سے |
| کہاں پودا وہ مرجھاتا ہوا محسوس ہوتا ہے |
| غلاموں کی عقیدت دیکھ کر آقا سے حیراں ہیں |
| سر اپنا ان کو چکراتا ہوا محسوس ہوتا ہے |
| اسی کے نام سے منسوب ہیں طارق مری غزلیں |
| جنہیں دیکھو ، جہاں گاتا ہوا محسوس ہوتا ہے |
معلومات