| دکھوں کا ہے قلم تحریر انساں |
| خطا کی ہے سزا تعذیر انساں |
| فسانہ ہے کبھی قصہ ، کہانی |
| نرالی ہے کبھی تصویر انساں |
| حقیقت ہے مگر کیسی عجب یہ |
| کرے انسان کی تحقیر انساں |
| قطاروں میں کھڑا ہے خادموں کی |
| گلے میں ڈال کے زنجیر انساں |
| بھلا کے رسم شبیری جہاں میں |
| بنا ہے خاک کی تفسیر انساں |
| بکھرتی جا رہی ہے اسکی عظمت |
| لکھے گا کیا کوئی تقدیر انساں |
| اندھیرے پھیلتے جاتے ہیں شاہد |
| ہوا جاتا ہے بے توقیر انساں |
معلومات