| دل جلایا مگر ___ رائگاں جل گیا |
| جل گیا سب غمِ بیکراں جل گیا |
| گھر مرا چن لیا روشنی کے لئے |
| روشنی تو ہوئی پر مکاں جل گیا |
| اس میں صیاد کا ہاتھ لگتا مجھے |
| میرا پھولوں بھرا گلستاں جل گیا |
| ایسی آتش تھی اشکوں کی تاثیر میں |
| دل سے یادوں کا ہر ارمغاں جل گیا |
| ہم وفا سے جفائیں بجھاتے رہے |
| دستِ حامی سے سب کچھ نہاں جل گیا |
| جو دھواں اٹھ__ رہا ہے لرزتا ہوا |
| دل سے عہدِ وفا کا گماں جل گیا |
| ساری خوشیاں ہی بے لطف ہو جائیں گی |
| زندگی کا جو باغِ اماں جل گیا |
| اس محبت میں ارشدؔ کسے دوش دوں |
| اپنی آہوں سے دل کا جہاں جل گیا |
| مرزاخان ارشدؔ شمس آبادی |
معلومات