نظر میں ہر گھڑی جلوہ ہے میرے مرشد کا |
دل و دماغ پہ پہرہ ہے میرے مرشد کا |
خدا بھی دیکھ کے چہرے کو یاد آ جائے |
قسم خدا کی وہ چہرہ ہے میرے مرشد کا |
بہار آج تلک اس چمن میں باقی ہے |
جہاں پہ پڑ گیا تلوا ہے میرے مرشد کا |
فرشتے حور و ملائک بھی آئیں درشن کو |
چمکتا نور سے روضہ ہے میرے مرشد کا |
دِوانہ جلوۂِ جاناں نے کر دیا مجھ کو |
حسین چاند سا چہرہ ہے میرے مرشد کا |
جہاں پہ رحمتِ مولیٰ اترتی رہتی ہے |
وہ بستی ایسا علاقہ ہے میرے مرشد کا |
ہماری جان بھی قربان جسکی عظمت پر |
سنو! وہ لاڈلا بیٹا ہے میرے مرشد کا |
جدھر بھی جاؤں تصدق انہیں کا چرچا ہے |
بلند دیکھئے رتبہ ہے میرے مرشد کا |
معلومات