| آپ مجھ سے نا اب ملا کیجے |
| جائیے اور خوش رہا کیجے |
| میں اندھیروں کا اک مسافر ہوں |
| مجھ سے بس دور ہی رہا کیجے |
| آپ سمجھے نہ میری حالت کو |
| اور قسمت سے کیا گلا کیجے |
| دَرد اندر سے کھائے جاتا ہے |
| میرے مرنے کی بس دُعا کیجے |
| عشق میں انتظار واجب ہے |
| ہر گھڑی راستہ تکّا کیجے |
| عشق جب ہجر بانٹنے آئے |
| پڑھ کے بسم اللہ لے لیا کیجے |
| موت سے اک سوال ہے میرا |
| بول سانسوں کیساتھ کیا کیجے |
| ساری خوشیوں نے ایک ٹھانی ہے |
| کیوں نا یاسر سے بھی دغا کیجے |
معلومات