| جس کے ہونٹوں پہ محمد کی ثنا ہوتی ہے |
| مجھ کو محبوب ہر اک اس کی ادا ہوتی ہے |
| جس کو سرکار دو عالم سے وفا ہوتی ہے |
| بالیقیں ذات خدا اس سے رضا ہوتی ہے |
| لوٹتا ہے جو بھی طیبہ سے اسے چومتا ہوں |
| بس اسے چومتے ہی مجھ کو شفا ہوتی ہے |
| جب بھی محفل میں کوئی ذکر نبی کرتا ہے |
| خوشبوئیں پھیلتی ہیں نوری فضا ہوتی ہے |
| والضحیٰ سورہ کی تفسیرکو جب سنتا ہوں |
| روح بھی میری محمد پہ فدا ہوتی ہے |
| نعت گوئی کوئی آسان نہیں ہے یارو |
| نعت گوئی تو مقدر سے عطا ہوتی ہے |
| خواب میں چہرۂ آقا کو میں دیکھوں یونسؔ |
| رات و دن بس مرے لب پر یہ دعا ہوتی ہے |
معلومات