| نسلوں سے پہچان ہے پیاری |
| لفظوں کی یہ کان ہے پیاری |
| سب سے بڑھ کے زبان ہے پیاری |
| اردو میری جان ہے پیاری |
| مذہب، رنگ و نسل سے بالا |
| مشترکہ اجداد کا ورثہ |
| دنیا میں اک شان ہے پیاری |
| اردو میری جان ہے پیاری |
| ملتی ہے پردیس میں مجھ سے |
| ہر اک پیارے بھیس میں مجھ سے |
| قدرت کا وردان ہے پیاری |
| اردو میری جان ہے پیاری |
| دھیان رکھیں سب بہنیں مائیں |
| اس کی پلکیں بھیگ نہ جائیں |
| ہر دل کا ارمان ہے پیاری |
| اردو میری جان ہے پیاری |
| اردو کے متوالے پیارے |
| اردو بولنے والے پیارے |
| چہروں کی مسکان ہے پیاری |
| اردو میری جان ہے پیاری |
معلومات