| دیش کے ایسے سارے لیڈر دفن کرو |
| جو کہ ہیں اسپیڈ بریکر دفن کرو |
| لاشوں کو آتش کے حوالے کرتے ہو |
| اس سے اچھا اس سے بہتر دفن کرو |
| زور قلم سے دل تبدیل کرو صاحب |
| چاکو واکو خنجر ونجر دفن کرو |
| امن و سکوں کی چاہ اگر ہے تو پہلے |
| دیش کے سارے فتنہ پرور دفن کرو |
| اک عاشق کی تربت ہو موجود وہاں |
| یارو مجھے تم ایسی جگہ پر دفن کرو |
| تب پاتی ہے ایک غزل تکمیل کہیں |
| جب کاغذ پر کتنے منظر دفن کرو |
| مٹی کو یہ تاج محل میں رکھنا کیا |
| مٹی کو مٹی کے اندر دفن کرو |
| ختم نہیں ہوں گے یہ کبھی تلواروں سے |
| اندھیاروں کو دیپ جلا کر دفن کرو |
| روح کی منزل اور تھی وہ پرواز ہوئی |
| بچا ہے جو یہ خاکی پیکر دفن کرو |
| ہوتی ہے تکمیل غزل جب آخر میں |
| مقطع بھی اے بھائی اظہر دفن کرو |
معلومات